Frá toppi til táar

Ég fór að klifra í morgun og tók myndavélina með. Maður er reyndar frekar upptekinn þegar klifrið er í gangi, svo að afrakstur dagsins var ekki mikill í myndum talið. Annar afrakstur er að ég get vart hreyft fingurna þrautalaust.

Eins og sjá má eru klettarnir hrikalegir, en henta vel til klifurs. Við Davíð ræddum þetta og ég taldi helstu hættuna vera þá að klifurfélaginn fengi hjartaáfall og væri einhvers staðar uppi í háloftunum á meðan. Reyndar gæti ég trúlega náð honum niður á tiltölulega auðveldan hátt svo að það væri kannski ekki svo mikil hætta eftir allt. Dabbi var fljótur að sjá fyrir sér aðrar aðstæður; að sá gamli fengi áfall þegar ég væri í hæstu hæðum og hann að styðja mig frá jörðinni. "Ég hef engan áhuga á að burðast með þig lamaða frá toppi til táar", komst hann að orði. Hann er sumsé ekki alveg sáttur við klifrið.

Er ekki freistandi að hendast þarna upp?

Athugasemdir

[Hanna (IP-tala skráð) 4.2.2010 kl. 13:25]

Hæ, hæ.

Það er fremur vandræðalegt, en ég held ég ætti að byrja á að segja "gleðilegt nýtt ár!"  Var loksins að taka mér tíma til að lesa svolítið og dást að myndunum. Mjög flottar - eins og fólkið á myndunum - og greinilega frábær ferðalög. Man alveg eftir klifurdellu þinni á ungdómsárum svo það var svona hálf-fyrirsjáanlegt í mínum huga að þú færir upp af jafnsléttunni í líkamsræktinni fyrr eða síðar.....farðu bara "varlega" :)

Kv. Hanna

[Erla (IP-tala skráð) 8.2.2010 kl. 18:12]

Sömuleiðis, gleðilegt nýtt ár!
Rassinn er nú eitthvað þyngri núna en í gamla daga! Það eru nú komin ár og dagar síðan ég var að bramboltast þetta upp á Miðgarð hahaha... var alveg búin að steingleyma svoleiðis brölti. Efast um að ég gæti komið mér þar upp núna!

Já, Dabbi er þér hjartanlega sammála með "varlegheitin", en nú sýnist mér að ég hafi ekki tíma til að fara þarna einu sinni í viku, því að ég þarf að vinna á morgnana og eitthvað þarf undan að láta. Hann verður því afar feginn, hygg ég.

Hlakka til að sjá þig (og vonandi fjölskylduna!) í sumar.

Erla