Labbitúr í Dan Viljoen

 

Nú er löng helgi framundan hjá okkur. Strákarnir eru í fríi frá skóla og leikskóla frá fimmtudegi fram á þriðjudag. Í morgun skruppum við aðeins út fyrir borgina til að fá okkur labbitúr í náttúrunni. Við settum sólhattana, sólarvörnina, djús og snakk í bakpokann og héldum í Dan Viljoen game park. Hann er um 20 km. fyrir utan borgina.

 

Þar fórum við í göngutúr um uppþornaðan árfarveg, hér eru strákarnir að taka pásu frá göngunni.

 

 

 

 

 Svo tókum við náttúrulega nestispásu líka, drukkum djúsið og fengum okkur kex og snakk.

 

 

 

 

 

 

Síðan fórum við í bíltúr um svæðið og sáum apa, gíraffa, springboek og  wildebeest sem starði furðu lostið á ferðalangana frá Íslandi. Svæðið er stutt frá borginni og á stöku stað er hið besta útsýni yfir borgina eins og sjá má ef rýnt er vel í myndina. 

 

 

 

 

Að lokum stoppuðum við á útivistarsvæðinu þar sem fyrirtaks aðstaða er til að borða nesti, grilla og fyrir börnin að teygja aðeins úr sér. Þarna er Stefán að prófa hvað borðin eru traust.

Á morgun ætlum við að halda niður á strönd og vera tvo daga í Swakopmund. Allir hlakka mikið til að sjá sjóinn og fá að dýfa tánum í Atlantshafið. 

 

 

 

Athugasemdir

[Arnheiður Fanney Magnúsdóttir, 4.5.2008 kl. 09:29]

Maður er alltaf dreymandi á svip þegar maður les bloggið þitt, hljómar allt svoooo draumkennt og notalegt :o).

[Arnheiður Fanney Magnúsdóttir, 4.5.2008 kl. 09:32]

Það er gaman að lesa bloggið hans Halla og sjá hans sýn á "nýja" lífið :o)

[Þórdís Arnardóttir (IP-tala skráð) 6.5.2008 kl. 16:54]

Mig langar til þín í svona skemmtiferð dreymi dreymi....