Ljónaveisla

 

Í fjölskylduferðinni okkar um daginn fórum við að sjá þegar ljónahóp var gefið og hér koma myndir frá því. Þetta var mjög skemmtileg ferð, en við fórum eftir myrkur og inn í þar til gert byrgi sem var með litlum opum með rimlum til að skoða dýrðina. Ljónin fengu bara heilan nautgrip, sem hafði verið slátrað. Þau rifu hann í sig og átu nánast upp til agna.  

 

Það var smá basl að fá Stefán til að vera hljóðan, en annars sátum við öll agndofa því að það er magnað að sjá þetta. 

 

 

Það er auðsjáanlega skýr skipting innan hópsins og karlinn tryggir að þessir réttu fái bestu bitana. Ungu karldýrin voru mest reknir frá gæðunum. 

 

Það er ótrúlegur kraftur í þessum dýrum, og maður vildi svo sannarlega ekki mæta þeim á förnum vegi. Sú hætta er fyrir hendi inni í þjóðgörðum, enda er fólki gert að yfirgefa ekki farartæki sín, til að tryggja að enginn endi í ljónskjafti.

Hér eru þrjú kvendýr sem svo sannarlega virðast njóta krásanna.

Athugasemdir

[Erla perla (IP-tala skráð) 5.9.2008 kl. 12:46]

Hæ Brynja. Takk fyrir kveðjurnar.

Það er mjög gaman að búa hér, og fá tækifæri til að skoða sig um og læra um nýja hluti. Ljónin eru mögnuð, það er satt.

Kv. eh

[Breiðholts-Dísa (IP-tala skráð) 6.9.2008 kl. 18:08]

Algjört konfekt þessi lestur hér, að venju ....

Bið að heilsa Dabba.

kv. Dísa