Sól og sumar á ströndinni

Nú hefur rignt nánast linnulaust síðan við komum aftur til borgarinnar, svo að við vorum glöð að hafa fengið sól í kroppinn úti við strönd. Það hefur ekki rignt svona mikið í manna minnum, þó að það hafi rignt mikið á regntímanum í fyrra, þá slær þessi öll met.

Aftur að ferðalaginu. Við fórum að sjálfsögðu á ströndina líka. Stefán varð svo glaður að hann hoppaði og skoppaði út um allt eins og kýr að vori. 

Sumir aðrir voru ekki alveg eins fjörugir, en Davíð og Jan fengu sér báðir fegrunarblund í sandinum og sváfu heillengi.

Hér eru yngri drengirnir, erfiðara er að ná mynd af Halla, sem er gjarnan kominn hálfa leið á haf út. Reyndar er aðgrunnt, svo að gott er fyrir krakka að leika sér í öldunum. Yngri drengirnir eru í sundgöllum, eins og flestir krakkar hér, enda eru þeir hentugir því þeir veita góða vörn gegn sólinni. 

Hundarnir hafa jafn gaman að því að leika sér á ströndinni og mannfólkið.

Athugasemdir

[Ása Dóra (IP-tala skráð) 5.3.2009 kl. 14:34]

hahahah aðeins öðruvísi veðurfarslýsingar í bloggfærslunum þínum en mínum þessa dagana ;o)

heyrðu mamma þín var að leiðrétta mig með að það er bara ár síðan þið fóruð út - mér fannst þau endilega vera að verða tvö!!! Það þýðir að ég hef ennþá einhvern tíma til að láta mig dreyma - og vonandi hrinda því í framkvæmd að heimsækja ykkur - ég kaupi mér alltaf lottómiða af og til heheheh.....

kv. Ása D.