Jólaboð

Á laugardaginn var hádegisjólaboð hjá skrifstofunni. Nú er sumarið að ganga í garð og flestir að fara í jólafrí. Namibísku skólarnir eru þegar komnir í frí, en alþjóðaskólinn er í styttra fríi því að aðalfríið hjá þeim er yfir namibíska veturinn. Jólafríið byrjar eftir næstu viku hjá þeim.

 

Jólasveinninn kom og færði börnunum þessar fínu jólagjafir. Stefán er mjög spenntur fyrir jólasveininum og finnur hann í öllum auglýsingum og skreytingum og veinar "ólaveinninn!!" Hann var því mjög ánægður að sjá sveinka mæta á svæðið. Hér eru strákarnir spenntir að bíða eftir pakka með hinum krökkunum.

Hér er svo Stefán kominn með sinn pakka í hendurnar. Rúnar Atli vinur þeirra stendur þarna hjá þeim.

 Sveinki var í þessum fínu gúmmístígvélum í hitanum.

 

 

 

 

 

 

 

 

 

 

 

 

 

 

 

 

 

 Jújúú

 

 

 

 

 

 

 

 

 

 

 

 

 

Hér er hluti fjölskyldunnar, Katrín starfsnemi er þarna í bakgrunni.

 

 

 

 

 

 

 

 

 

 

 

 

Hér hefur verið sest að borðum og allir búnir að setja upp kórónur fyrir partýið.

 

 

 

 

 

 

 

 

 

 

 

 

 

 

 

  

Svo eru hér þrár íðilfagrar og frábærar stúlkur. Þær eru Katrín, starfsneminn hjá ICEIDA, en hennar starfstímabil er nú á enda. Svo er Lizette sem er verkefnisstjóri yfir verkefni sem styður við heyrnarlausa í Namibíu. María, sem er hér í hefðbundnum Nama kjól, er fjármálafulltrúi á skrifstofunni.

Athugasemdir

[Brynja (IP-tala skráð) 1.12.2008 kl. 23:23]

ólasveininn, svo krúttlegt, Dagrún horfði í augun á mér í dag og sagði: segðu nú alveg satt mamma er pabbi jólasveinninn, ég sagði sem satt var, bara stundum:).  Hafið það nú gott í jólafríinu

[Siva (IP-tala skráð) 2.12.2008 kl. 16:37]

Voðalega eru menn sætir í spariskryrtunum og stuttbuxum!!

Búin að lesa og lesa, alltof langt síðan ég kíkti á síðuna síðst.  Hræðilegt þetta með albinóana og eyðni og hjátrúna.  En hér á Króknum er frost og snjór og myrkur, við erum búin að hengja upp ótal metra af ljósaseríugrýlukertum utan á húsið og þetta er allt að verða hið jólalegasta.  Svo er Þverárfjallsísbjörninn kominn uppstoppaður á Náttúrustofu, hætti við að skoða hann á opnunardegi á laugardaginn því það var stórhríð!!

Vona að þið komist í jólaskapið þrátt fyrir hitann :)

[Linda (IP-tala skráð) 4.12.2008 kl. 19:40]

Sé að þú ert í góðum félagsskap þarna og nóg um að vera.

[Ása Dóra (IP-tala skráð) 9.12.2008 kl. 01:25]

jiiiihhh hvað þið lítið vel út - Erla maður hefur nú varla séð þig á mynd, en þú tekur þig greinilega vel út þarna í Afríkunni ;o)